From Wikipedia, the free encyclopedia
D'Himmelskoordinaten oder d'astronomesch Koordinatesystemer déngen dozou, d'Positioun vun Himmelskierper unzeginn. Dobäi handelt et sech ëm Kugelkoordinaten, am enke Sënn ëm sphäresch Koordinaten, well d'Distanz keng Roll spillt fir Himmelskierper ze lokaliséieren.
De Koordinatenurspronk vun den astronomesche Systemer ass d'Äerd (hire Mëttelpunkt oder eng Plaz op hirer Uewerfläch, geozentrescht Weltbild), d'Sonn (heliozentrescht Weltbild) oder en aneren Himmelskierper (zum Beispill e Planéit, fir d'Positioun vu senge Mounde relativ zu him selwer unzeginn). En ass an engem Bezuchsniveau, bannen deem déi eng vu béiden astronomesche Wénkelkoordinate bestëmmt gëtt. Den zweete Wénkel gëtt am Senkel iwwer dem Bezuchsniveau bis zum Himmelskierper gemooss.
DHorizont-System ass d'Koordinatesystem dat jiddwer Observateur bekannt ass. Den Horizont ass de Bezuchsplang. De Wénkel iwwer dem Horizont zum Himmelskierper ass seng Héicht h. D'Ofwäichung vum Punkt um Horizont vertikal ënner dem Kierper vun der Süd-Richtung ass den Azimut a.
An den hei opgestallte Berechnunge sinn nieft den Endresultater vun den Ëmrechnungen och d'kartesesch Koordinaten x, y an z am Zil-System als Tëscheresultat uginn. Ze beuechten ass, datt déi béid éischt Systemer (horizontaalt a rouend equatoriaalt) als Lénks-Systemer, déi aner (rotéierend equatorialt a geozentresch-ekliptikalt) als Riets-System definéiert sinn.
D'Ëmrechnunge geschéien iwwer d'Duerstellungen a kartesesche Koordinate bei béide Systemer. Tëscht de kartesesche Forme vun de Systemer geschitt d'Transformatioun - eng Dréiung ëm d'y-Achs - (d'y-Koordinate sinn a béide Systemer gläich): Dréiung ëm de Wénkel 90°-φ (φ = geographesch Breet) am éischten, ëm de Wénkel ε (Schréi vun der Ekliptik) am zweete Fall.
φ = geographesch Breet
θ = Stärenzäit op der Observatiounsplaz
ε = 23,44° = Schréi vun der Ekliptik
ε = 23,44° = Schréi vun der Ekliptik
Commons: Himmelskoordinaten – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.