![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3f/Rupture_entre_les_g%25C3%25A9n%25C3%25A9rations.jpg/640px-Rupture_entre_les_g%25C3%25A9n%25C3%25A9rations.jpg&w=640&q=50)
Generatioun (Soziologie)
From Wikipedia, the free encyclopedia
D'Generatioun ass ee soziologescht Konzept, dat virun allem an der Demographie benotzt gëtt. Eng Generatioun beschreift eng Grupp aus der Gesellschaft, déi ongeféier gläichaltreg ass an doduerch änlech politesch a gesellschaftlech Phenomeener erlieft huet. An der Biologie, mä och an anere Wëssenschafte gi 25 Joer als Dauer vun enger Generatioun ugesinn, wat dem Duerchschnëttsalter entsprécht, an deem déi mënschlech Reproduktioun ufänkt, an domat eng nei Generatioun vu Leit generéiert gëtt.
![Thumb image](http://upload.wikimedia.org/wikipedia/commons/thumb/3/3f/Rupture_entre_les_g%C3%A9n%C3%A9rations.jpg/640px-Rupture_entre_les_g%C3%A9n%C3%A9rations.jpg)
An der Soziologie an an der Sozialgeschicht sinn dacks ganz spezifesch Gruppe vu Leit de Sujet vun den Analysen, sou datt e vu spezielle Generatioune schwätzt, wéi zum Beispill Generatioun X oder Generatioun Baby Boom. Déi spezifesch Generatiounen ënnerscheede sech vun deene Generatiounen, déi ëmmer erëm, zu all Zäit entstinn, wéi eeben d'Generatioun vun der Jugend oder vum Drëtten Alter, déi éischter als temporär Identitéit vun engem Mënsch ugesi gëtt.