From Wikipedia, the free encyclopedia
D'Donauinsel ass eng 21,1 km laang a bis zu 200 m breet Sträif tëscht der Donau an dem sougenannten Entlastungsgerinne (och Nei Donau genannt) zu Wien.
D'Donauinsel ass an de Joren 1972-1988 entstanen, wärend der Héichwaassereguléierung vun der Donau. Duerch d'Opschëdde vun der Donauinsel gouf eng Derivatioun parallel zu der Donau geschaf, dat am Normalfall e Gewässer ass, dat steet, mä bei Héichwaasser geflut gëtt, a sou hëllefe soll, Iwwerschwemmungen ze verhënneren. D'Insel selwer bleift bei Héichwaasser gréisstendeels waasserfräi.
Mëttlerweil huet sech d'Donauinsel zu engem beléiften Erhuelungsgebitt fir d'Wiener Bevëlkerung entwéckelt. Des Weideren ass do am nërdlechen a südleche Beräich ee vun de gréissten FKK-Beräicher deen no bei enger Groussstad läit. An den 80er Joren huet sech um Ufer géintiwwer bei der Räichsbréck ënner dem Numm Copa Cagrana (de Staddeel Kagran ass net wäit ewech) op der Donauinsel selwer eng villfälteg Lokalszen entwéckelt.
Zanter 1984 ass all Joer un engem Weekend géint Enn Juni op der Donauinsel d'Donauinselfest. Et gouf schonn 1983 um fäerdeggestallte Beräich ëm d'Floridsdorfer Bréck e klengt "kulturellt Fréijoersfest", wat als Virgänger vum Donauinselfest gëllt, a vum SPÖ-Politiker Harry Kopietz initiéiert gouf. Aus dem klenge Fest gouf am Laf vun de Joren en Evenement vun dräi Deeg mat méi wéi dräi Millioune Visiteuren. Et ass dee gréissten Open-Air Concert an Europa mat fräiem Entrée. De Festterrain huet eng Längt vun e puer Kilometer vun der Räichsbréck bis bei d'Nordbréck.
Commons: Donauinsel – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.