tuneesesch Insel am Golf vu Gabès From Wikipedia, the free encyclopedia
Djerba (arabesch: جربة -"Jirba") ass eng flaach Insel un der Ostküst vun Tunesien am Golf vu Gabès. Si ass 514 km² grouss an domat déi gréisst Insel vun Nordafrika. Haaptuertschaft ass Houmt Souk. Se huet ronn 120.000 Awunner, wouvun déi meescht Berber sinn, zanter laangem gëtt et do och eng jiddesch Communautéit. Zarzis gëtt heiansdo zu Djerba gezielt, et läit awer südlech dovun um Festland. E réimeschen Däich verbënnt Djerba mam Festland.
Djerba | |
---|---|
Geographie | |
Land | Tunesien |
Läit an/am | Golf vu Gabès, Libescht Mier, Mëttelmier |
Koordinaten | 33°47'1,3"N, 10°52'59,9"O |
Fläch | 514 km² |
Küstelängt | 150 km |
Längt | 27 km |
Breet | 26 km |
Verwaltung | |
Demographie | |
Awunner | 175.820 |
Awunnerdatum | 21. September 2018 |
Aner Informatiounen | |
Zäitzon | UTC+1 |
Djerba ass zanter e puer Joerzéngten eng populär Vakanzendestinatioun bei den Europäer. Laanscht d'Ostküst, wou et eng laang Sandplage gëtt, sinn eng ganz Rëtsch Hoteller entstanen.
Den internationale Fluchhafe vun Djerba läit 8 km westlech vun Houmt Souk.
An der Antiquitéit war Djerba ënner sengem griicheschen Numm Meninx (Μῆνιγξ) bekannt, dem Ptolemäus no „Insel vun de Lotoséisser“. Vun der Spéitantik un ass den Numm Girba beluecht. Den Titularbistum Girba geet op e spéitanticke Bistum vun der réimesch-kathoulescher Kierch zeréck. Vun 1134 bis 1165 hunn d'Normannen Djerba besat. 1154 hu si en Opstand vun der Populatioun bluddeg niddergeschloen. Vu 1524 bis 1551 war Djerba den Haaptstëtzpunkt vun tierkesch-nordafrikanesche Corsairen ënner dem Turgut Reis.
Vum 9. bis de 14. Mee 1560 huet bei der Séischluecht vun Djerba d'Flott vum osmanesche Groussadmirol Piale Pascha an dem Turgut Reis déi vun enger Koalitioun vu chrëschtleche Mëttelmiermiecht ënner der Féierung vu Spuenie geklappt.
Den 11. Abrëll 2002 koume bei enger Selbstmord-Sprengstoffattack bei der Al-Ghriba-Synagog, enger vun den eelsten a bekanntste Synagogen op der Welt, 21 Leit ëm d'Liewen an anerer blesséiert.
Commons: Djerba – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.