![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2f/European_Committee_of_the_Regions_logo.svg/langlb-640px-European_Committee_of_the_Regions_logo.svg.png&w=640&q=50)
Europäesche Comité vun de Regiounen
From Wikipedia, the free encyclopedia
Den Europäesche Comité vun de Regiounen, deen duerch de Maastrichter Traité geschaf gouf, besteet aus 329 Representante vu regionalen a lokale Kierperschaften, déi vun den EU-Memberstaate proposéiert a vum Conseil vun der Europäescher Unioun op 4 Joer ernannt ginn. Hien huet säi Sëtz zu Bréissel.
![Thumb image](http://upload.wikimedia.org/wikipedia/commons/thumb/2/2f/European_Committee_of_the_Regions_logo.svg/220px-European_Committee_of_the_Regions_logo.svg.png)
D'Lëtzebuerger Membere sinn: Simone Beissel, Roby Biwer, Tom Jungen an Natalie Silva. Ersatzmembere sinn: Liane Felten, Linda Gaasch, Carole Hartmann, Vincent Reding, Jacqueline Breurer a Stephen de Ron (Stand: Abrëll 2024)[1].
D'Europäesch Kommissioun an de Conseil mussen de Comité vun de Regioune consultéieren, wann et ëm legislativ Propositioune geet, déi fir d'Regioune relevant sinn. Dorënner falen d'Educatioun, d'Kultur, d'ëffentlech Gesondheet, d'Trans-europäesch Netzer an d'Kohesiouns- a Strukturfongen (also deen Deel vum EU-Budget, mat deem an deene méi aarme Géigende Bau- oder soss Projeten ënnerstëtzt ginn). De Comité kann och vu sech aus Resolutiounen unhuelen.
Intern organiséiert e sech a 6 Kommissiounen, déi den Theemen no Projete vun den Avisen oder de Resolutiounen ausschaffen, déi da vun allen ofgestëmmt ginn.