![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/ff/Codex_Mariendalensis_page.jpg/640px-Codex_Mariendalensis_page.jpg&w=640&q=50)
Codex Mariendalensis
From Wikipedia, the free encyclopedia
De Codex Mariendalensis (kuerz M genannt) ass eng spéitmëttelalterlech Handschrëft mat enger Dichtung vu bal 6.000 Versen iwwer d'Liewe vun der Yolanda vu Veianen. D'Handschrëft ass ongeféier vun 1320, d'Dichtung selwer ass knapps zwanzeg Joer méi al. Den Dichter ass héchstwarscheinlech den Dominikanerbrudder Hermann vu Veldenz, deen d'Heldin vu sengem Eepos wuel nach perséinlech kannt huet. Säi Wierk ass souwuel eng Hellegevita wéi och en Heldeneepos: den Auteur erzielt doran d'Liewen- a Leidensgeschicht vun der jonker Groofenduechter Yolanda, där hire gréisste Wonsch et ass, an d'Klouschter Mariendall antrieden ze däerfen, an sech dofir mat hiren Elteren an d'Hoer kritt, déi se gär 'standesgeméis' bestuet gesinn hätten.
![Thumb image](http://upload.wikimedia.org/wikipedia/commons/thumb/f/ff/Codex_Mariendalensis_page.jpg/320px-Codex_Mariendalensis_page.jpg)