Centro Democrático e Social - Partido Popular
rietskonservativ Partei a Portugal From Wikipedia, the free encyclopedia
rietskonservativ Partei a Portugal From Wikipedia, the free encyclopedia
D'CDS-PP (Centro Democrático e Social – Partido Popular, op Lëtzebuergesch "Demokrateschen a Sozialen Zentrum – Vollekspartei) ass eng rietskonservativ Partei a Portugal.
Centro Democrático e Social – Partido Popular | |
|---|---|
 | |
| Ofkierzung | CDS-PP |
| President | Nuno Melo |
| Gegrënnt | Juli 1974 |
| Parteizentral |
Lgo Adelino Amaro da Costa, 5 1149-063 Lisboa |
| Jugendorganisatioun | Juventude Popular (JD)[1] |
| Ideologie |
Chrëschtlech Demokratie Nationalkonservatismus Wirtschaftsliberalismus |
| Politesch Positioun | Riets |
| National Affiliatioun |
AD (1979–1983) PàF (2015) AD (2024) |
| Europäesch Affiliatioun | EVP |
| Europäesch Parlamentsgrupp | EVP |
| Faarf | Blo |
| Parlament |
2/230 Sëtz |
| EU-Parlament |
1/21 Sëtz |
| Websäit | https://cds.pt/ |
No der Oeillets-Revolutioun ass d'Vollekspartei 1975 fir d'éischt an der Assemblée constituante (Assembleia Constituinte) gewielt ginn a war duerno ouni Ënnerbriechung vun 1976 bis 2022 am portugisesche Parlament vertrueden. Si huet e puermol, mat verschiddene Koalitiounspartner, d'portugisesch Regierung gestallt. De President vun der Partei ass zënter 2022 den Nuno Melo.[2]
D'CDS-PP gëtt vun engem Deputéierten am Europaparlament vertrueden. Um europäeschen Niveau war d'CDS-PP laang Zäit Member vun den Europäesche Demokraten, enger EU-skeptescher Allianz vu konservative Parteien, déi eng Fraktiounsgrupp mat der Europäescher Vollekspartei (EPP) am Europaparlament gegrënnt huet. D'CDS-PP huet sech awer duerno bei der EPP ugeschloss. Op internationalem Niveau ass d'Partei Member vun der International Democratic Union (IDU).
Obwuel d'CDS-PP ursprénglech als Zentrumspartei gegrënnt gi war, wat och am Parteinumm reflektéiert gëtt, representéiert se haut konservativ bis rietskonservativ Positiounen. D'CDS-PP fuerdert eng restriktiv Immigratiounspolitik a steet der kathoulescher Kierch no.
| Joer | Zuel vun de Stëmmen | Stëmmen a % | Sëtz | Parteipresident |
|---|---|---|---|---|
| 1976 | 876.077 | 16,0 % | 42 | Freitas do Amaral |
| 1979 | − | − | 43 | Freitas do Amaral |
| 1980 | − | − | 46 | Freitas do Amaral |
| 1983 | 716.705 | 12,6 % | 30 | Freitas do Amaral |
| 1985 | 577.580 | 10,0 % | 22 | Lucas Pires |
| 1987 | 251.987 | 4,4 % | 4 | Lucas Pires |
| 1991 | 254.317 | 4,4 % | 5 | Manuel Monteiro |
| 1995 | 534.470 | 9,1 % | 15 | Manuel Monteiro |
| 1999 | 451.643 | 8,3 % | 15 | Paulo Portas |
| 2002 | 477.350 | 8,7 % | 14 | Paulo Portas |
| 2005 | 416.415 | 7,2 % | 12 | Paulo Portas |
| 2009 | 592.778 | 10,4 % | 21 | Paulo Portas |
| 2011 | 653.888 | 11,7 % | 24 | Paulo Portas |
| 2015 | Walallianz PàF (Portugal à Frente)
Koalitioun: PPD/PSD.CDS-PP |
18 | Paulo Portas | |
| 2019 | 221.774 | 4,2 % | 5 | Assunção Cristas |
| 2022 | 90.539 | 1,6 % | 0 | Francisco Rodrigues dos Santos |
| 2024 | Walallianz AD (Aliança Democrática)
Koalitioun: PPD/PSD.CDS-PP.PPM |
2 | Nuno Melo | |
Déi fréi Parlamentswale vum Januar 2022 waren eng Katastroph fir d'CDS-PP. Mat nëmmen 1,6% vun de Stëmme sinn all d'Sëtz verluer. Nom schlëmmste Walresultat an der Parteigeschicht huet de Francisco Rodrigues dos Santos als President vun der CDS-PP demissionéiert. D'Evenement huet eng intern Kris ausgeléist. A verschiddene Foren an a baussent der Partei goufen a ginn och Froen iwwer d'Existenzrecht vun der CDS-PP diskutéiert.
Op der Parteikonferenz, déi den 2. an 3. Abrëll 2022 zu Guimarães ofgehale gouf, gouf den Nuno Melo, den eenzegen Europadeputéierte vun der Partei, mat bal 75% vun den Delegéierte Stëmmen als neie President vun der CDS-PP gewielt.[4]
| Commons: Centro Democrático e Social - Partido Popular – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
