Nationalpark an den USA From Wikipedia, the free encyclopedia
De Bryce-Canyon-Nationalpark ass en Nationalpark, um Colorado-Plateau, am Südweste vun Utah, an de Vereenegte Staaten.
De Grond, firwat dës Landschaft als Nationalpark deklaréiert gouf, sinn déi faarweg Fielspyramiden a -sailen, déi sougenannt Hoodooen, déi um Bord vum Paunsaugunt-Plateau duerch Erosioun entstane sinn. Den Ofbroch vun deem Plateau leeft net linear, mä a Form vun engem Hallefkrees, engem "natierlechen Amphitheater". Ee vun dësen "Amphitheateren", déi fälschlecherweis als Canyon bezeechent ginn (e Canyon entsteet duerch e Floss, wat hei net de Fall ass), ass de Bryce Canyon. En ass bal 5 km breet, 19 km laang a läit 240 Meter méi déif wéi de Plateau.
De Bryce Canyon Nationalpark läit op enger Héicht vun 2400 bis 2700 Meter um Colorado-Plateau; deemno e gutt Stéck méi héich wéi den Zion-Nationalpark an de Grand Canyon-Nationalpark an der Noperschaft.
Ëm 1850 hu sech wäiss Siidler do néiergelooss, 1875 och e gewëssen Ebenezer Bryce, no deem e spéider den Numm krut. Den Nationalpark gouf 1924 als National Monument ernannt an 1928 als National Park deklaréiert. 2014 hu 1.435.741 Leit de Park besicht.
Duerch Erosioun sinn d'Hoodooen entstanen. Dat si stenge Sailen oder Pyramiden déi bis zu 60 Meter héich kënne ginn.
Haut kann een de Park iwwer den 29 km laange Scenic Drive besichen, deen op 13 Aussichtspunkte féiert, dorënner de Sunrise Point, Sunset Point, Inspiration Point an de Bryce Point. Méi südlech sinn d'Natural Bridge, de Rainbow Point an de Yovimpa Point. Et kann een och op ausgewisene Weeër derduerch wanderen.
| Commons: Bryce Canyon National Park – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
