From Wikipedia, the free encyclopedia
De Bockelwal (Megaptera novaeangliae) ass eng Walenaart aus der Famill vun de Balaenopteridae. En hält sech gär an de Küstegéigenden op, kann 12 bis 15 Meter grouss ginn, a weit 25 bis 30 Tonnen. Am Verglach zu anere Walen huet en däitlech méi grouss Flipperen (Broschtflossen), wat dann och säi wëssenschaftlechen Numm erkläert: megaptera = "grouss Flilleken". En ass absënns fir säi Walgesang bekannt.
| Bockelwal | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 e Bockelwal | |||||||||||||||||||
| Systematik | |||||||||||||||||||
| |||||||||||||||||||
| Wëssenschaftlechen Numm | |||||||||||||||||||
| Megaptera novaeangliae (Borowski, 1781) Gray, 1846 | |||||||||||||||||||
De Bockelwal lieft an allen Ozeanen. Am Summer hale se sech an de polare Mierer op, am Wanter an tropeschen a subtropesche Gewässer. Dofir leeën s'all Saison Dausende vu Kilometer zeréck. Allerdéngs bleiwen d'Populatioune jeeweils op 'hirer' Hemisphär.
De Bockelwal erniert sech virun allem vu Krill, deen en a senge Barten erausfëscht, heiansdo och vu klenge Fësch. D'Déiere friesse virun allem wa s'an hirem Summerquartier sinn, am Wanterquartier baue se d'Fett of, dat se sech ugefriess hunn.
De Bockelwal ka séier schwammen: 2 bis 5 Kilometer an der Stonn. Säin Numm huet en, well en e Bockel mécht, wann en daucht. Dobäi streckt en dann d'Schwanzfloss aus dem Waasser. Een Dauchgang dauert bis zu 15 Minutten, meeschtens tëscht 3 an 9.
Et ass e gudde Sprénger a ka mam ganze Kierper aus dem Waasser sprangen.
D'Fortpflanzung geschitt an de Wanterquartéieren an den tropesche Gewässer. Dacks kämpfe Männercher géinteneen; d'Bockelwale si polygam a verkoppele sech mat méi verschiddenen Individuen. D'Kallef kënnt no 12 Méint op d'Welt, deemno och nees an den tropesche Wanterquartéieren. Déi 'Kleng' si bei der Gebuert 4 Meter grouss a bleiwen op d'mannst ee Joer bei der Mamm. Deemno kann e Weibche ronn all 3 Joer en neit Kallef kréien. Mat 5 Joer si se erwuessen. Si kënne bis bal 50 Joer al ginn.
De Bockelwal gouf laang intensiv gejot a war plazeweis no um Ausstierwen. Zanter 1966 ass e weltwäit geschützt.
| Commons: Megaptera novaeangliae – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
