From Wikipedia, the free encyclopedia
Den Aisne-Marne Kanal ass e Scheetkanal deen am Gabarit Freycinet gebaut gouf, an deen den Dall vun der Aisne mat deem vun der Marne verbënnt. De Kanal ass 1886 a Betrib gaangen.
De Kanal ass 58,109 km laang an huet 24 Schleisen, dovu 16 zur Säit vun der Aisne an 8 am Marnebaseng.
D'fräi Héicht ass 3,5 Meter, an de Waasserstand 2,20 Meter, den erlaabten Déifgank ass 1,80 Meter.
En huet säin Ufank zu Berry-au-Bac op der Aisne a féiert iwwer Reims op Condé-sur-Marne.
Well de Kanal iwwer de Scheet vun engem Bierg, dem Mont-de-Billy féiert a säin ieweschte Schleisebaseng op bal dem héchste Punkt läit, hu misse speziell Konstruktioune gemaach ginn, fir e mat Waasser ze fëllen. Dofir gouf zu Condé-sur-Marne eng Pompelstatioun gebaut, déi d'Waasser op eng Bréck vun engem Aqueduc pompelt, vu wou aus et dann duerch seng eege Gravitatioun bis op déi héchst Plaz vu Kanal leeft. Dat geschitt an dësem Fall duerch eng ënnerierdesch Waasserleitung vu ronn 7,5 km, déi tëscht dem Hafe vu Vaudemange an der Schleis N° 17, déi net wäit dovun ewech ass, an de Scheetbaseng leeft. Op der Säit vun der Aisne krut d'Vesle déi plazeweis no un de Kanal erukënnt op der Héicht vu Sept-Saulx och Waasser gezoppt.
Fir net ze vill héich op d'Kopp mussen ze goen, gouf um Scheetbaseng en 2.302 m laangen Tunnel ënner dem Mont-de-Billy gebaut. Dat ass déi eenzeg Plaz um Kanal déi Schëffer net erlaabt laanschteneen ze fueren.
Commons: Canal de l’Aisne à la Marne – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.