From Wikipedia, the free encyclopedia
Sidra es una bevida alkólika de 4-8 grados la kuala es echa kon sumo de mansana. El biervo "sidra" tiene su orijin enel biervo en lingua latina "sicera", el kualo a su vez tiene su orijin enel biervo ebreo "shekar", ke sinyifika "bevida ke emborracha".
La sidra es una bevida echa en munchas rejiones del mundo; komo por enshemplo, en Evropa Almania, Fransia (Bretanya i Normandie), Espanya (Asturias, Kantabria, Galizia, Payis Basko i Navarra, ansina komo varias rejiones de Kastiya i Leon), Italia (Piemonte), Portugal (Madeira), Irlanda, Eskosia i en Inglaterra. En Amerika se topa en alkunas rejiones de varios payises, komo en Meksiko, ande es produzida en Huejotzingo i Zacatlán, enel estado de Puebla; en Arjentina la sidra es topada espesialmente en las provinsias de Rio Negro, San Juan i Santa Fe; en Paraguay se beve sidra en la noche de Noel i en Silvester; en Chile, ande es yamada "chicha de manzana", es bevida en todas las rejiones al sud del payis, espesialmente en Valdivia, Osorno, Llanquihue i Chiloé; en los Estados Unidos es produzida espesialmente en la Mueva Inglaterra i el estado de Mueva York.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.