La Sedaká (en ivrit: צדקה) es el konsepto de djustisia sosyala enel djudaismo. Es una de las mitsvot más emportantes del djudaismo, tanto ke la tradision dize ke endjunto a la teshuvá i la tefilá, la sedaká es una de las aksiyones umanas kon kapachitá de reversar los dekretos de El Dio.
Anke el biervo sedaká es uzado komo "karidad", la raíz del biervo ebreo la lisiona kon el biervo djustisia o rektitud (tzedek). Enel pasuk 19 de Vayikrá puedemos meldar ke "I kuando vayas segar el trigo de la vuestra tierra, no akavarás de segar el kantón del tu kampo, i las espigas védres al kosechar tu trigo, no arrekojerás; ni los granos de uva de la tu vinya arrekojerás; para el prove i para el peregrino los desharás; Yo soy el Eterno, El vuestro Dio.". El buto de este pasuk es ofreser al nechesitado una forma digna de guanyar el su alimento, sin ponerlo en la nechesitá de arrogar por limosna, i este es uno de los prinsipios ke gían la mitsvá de la "Sedaká". En este senso, el konsepto de sedaká es diferente del konsepto de "karidad", en el ke la karidad se da kuando se esta en kondisiones ekonomikas de dar, mientres ke la sedaká es una obligasión ordenada por El Dio a todos los djudíos. Afilu una persona prove kale dar sedaká.
El Ramba"m, en su ovra Mishné Torá, establese ocho niveles de sedaká, en orden dekresyente:
- Dar empiego a una persona (o emprestar parás para ke empiese un ofisio) kon el buto de ke no nesechite sedaká mas adelántre. Ken da este tipo de sedaká adjuda a su vizino no sólu oy sino manyana. Egzisten katro niveles:
- Dar empiego o adjudar a konsigir empiego a ken tiene menester de uno
- Estableser una entreprisa kon el nechesitado (es inferior al anterior, ya ke pone al nechesitado en kondisión de inferioridad, ya ke lo puede azer pensar ke no aporta sufisiente).
- Dar un emprestimo.
- Dar un regalo.
- Dar de manera anónima sin konoser al ke resive.
- Dar de manera anónima konosiendo al ke resive.
- Dar de manera publika sin konoser al ke resive.
- Dar antes de ke se le pida.
- Dar menos de lo ke uno puede dar, dempués ke le pidan.
- Dar menos de lo ke uno puede dar, antes ke le pidan.
- Dar de mala gana.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
