El minare o alminar es el nombre kon el kualo se konosen las kulas de las mishkitas. Ambos nombres vienen del arabo منار, minār o manār, el primero del fransez minaret, tomado del turkano, minare, el kualo a la su vez lo toma del arabo i el sigondo direktamente kon el artíkolo arabo al-. El biervo arabo minar sinyifika «fener», deke en syeklos pasados era komun meter luzes en los minares kon el buto de oryentar a los ke viajavan verso la sivdad. En arabo el biervo ke se uza oy endiya es مئذنة mi'dhana, es dizir, lugar desde ande se aze el adhan o yamada a meldar.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El su prinsipal buto es azer ke la mayor kantidad de djente pueda sentir kada una de las sinko yamadas a meldar. Para esto tiene uzualmente en la su parte alta, un balkon desde el kualo el muezin azia tradisionalmente la yamada a meldar uzando la su voz. Oy endiya, se uza un megafono.
La forma de los minares troka de rejion a rejion. En el Maghreb, las mishkitas tienen uno, de baza kadrada; el enshemplo kon mayor ermozura es el antiko minare de la Gran Mishkita de Kairuan en Tunesia. En el Oryente la majorita de las djamis tienen dos o katro minares, djeneralmente, i kon forma diferente. En las rejiones de enfluensia ottomana los minares de baza sirkulara, kon un balkon saliente i techo en forma de kono son ma komunes.
Ver endemas
- Kutubiyya
- Jiralda
- Kula Hasan
Atamientos eksternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
