![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Japanese_Coins.jpg/640px-Japanese_Coins.jpg&w=640&q=50)
Yen
From Wikipedia, the free encyclopedia
El yen es la moneda uzada en Japon ande se pronunsia 'en'. El su simbolo es ¥, má en Japon se representa kon la letra kanji 円 (ke signifika redondo). La eskritura en letras romanas, kon y, es derivada de la romanisasyon de una eskritura antika de la palavra, ansina komo kon los nombres Uyeda (Ueda), Iyeyasu (Ieyasu) I endemas Inouye (Inoue).
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La eskritura orijinal del yen era la misma ke la del yuan kino (圓 pinyin: yuán), má en la eskritura moderna se uza un karákter diferente: 円.
![Thumb image](http://upload.wikimedia.org/wikipedia/commons/thumb/6/62/Japanese_Coins.jpg/640px-Japanese_Coins.jpg)
Egzisten 6 tipos de parás i 4 de bilyetos oy endia:
Parás:
- 1 yen (aluminio)
- 5 yenes (lata)
- 10 yenes (bronse)
- 50 yenes (kuproníkel)
- 100 yenes (kuproníkel)
- 500 yenes (níkel-lata: Cu 72%, Zn 20%, Ni 8%)
Bilyetos:
- 1.000 yenes. El bilyeto ke se iva uzar desde el 1 de Noviembro de 1984 amostra al eskritor Sōseki Natsume; el muevo, del 1 de Noviembro de 2004, amostra al doktor Hideyo Noguchi.
- 2.000 yenes (en uzo desde el 19 de Djulio de 2000).
- 5.000 yenes. El bilyeto del 1 de Noviembro de 1984 amostra a Inazo Nitobe; el del 1 de Noviembro de 2004 amostra a la eskritora Ichiyō Higuchi.
- 10.000 yenes. Tanto el bilyete del 1 de Noviembro de 1984 komo el del 1 de Noviembro de 2004 amostran a Yukichi Fukuzawa.
![Thumb image](http://upload.wikimedia.org/wikipedia/commons/thumb/f/ff/1000_yen_Natsume_Soseki.jpg/640px-1000_yen_Natsume_Soseki.jpg)
La moneda de 500 yenes es la moneda de más valor ke se uza en el mundo.
Los presios de los produktos se van indikar jeneralmente en numerasyon araba, má se uzan karakteres khinos para el numero 10.000 y las sus potensias. Por egzemplo, el presio de un oto se puede eskrivir komo 400万円 (400 miríadas, o 4 milyones de yenes).
El valor de las parás i bilyetos esta eskrito de las dos formas. En el reverso de las parás aparese el su valor en numeros arabos ansina komo el anyo de emisyon en el kalendario japonezo basado en los anyos ke an pasado desde la toma de poder del emperador aktual (por egzemplo, Heisei 16, ke es el anyo 2004). En el anverso aparese eskrito Nihon koku (日本国), el valor de la moneda eskrito en kanji i una imajen, jeneralmente de una flor o planta, afilu en la moneda de 10 yenes se amostra el Pavilyon del Fénix del Templo de Byōdōin en Uji (prefektura de Kioto).