Rusia o Rusiya (en russo - Российская Федерация) es un paiz dela Evropa Oryentala, se topa al este entre Evropa i Asya. Es el mas grande paiz del mundo i aze frontieras kon munchos paizes del mundo, kaji se espande por todo el emisferio norte del planeta. Las sus frontieras son kon Norvejia , Finlandia , Estonia , Letonia, Lituania, Polonia, Bielorusia, Ukraina, Gurdjistán, Azerbaidjan, Kazahstan, Kitay, Mongolia i Korea del Nord.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Российская Федерация
Federasion de Rusia פאידיראסיון די רוסיה
_-_Crimea_disputed.svg)
|
Rusia es una delas nasyones mas povladas del mundo, la su kapitala i sivdad mas importante es Mosku, kon un povlasion de 10.1 milyones.
La istoria de la nasiyón komenzó kon la de los eslavos del este. En 988 Rusia adoptó el kristianismo ortodokso del imperio bizantino anke el ateizmo es engrandesido por todo el paiz a raiz de movimiento sovietiko; el djudaizmo es una de los relijiones de Rusia, munchos rusos konfiesan este kulto, los azkenazis i los misraji son los grupos populozos.
El su shefe de estado es Vladimir Putin, el governo ruso es uno delos governos del olam mas influyentes, las sus huersas armadas son uno delos ejersitos mas poderozos del planeta.
La su dominasion de internet es .ru ma também .su, la antika dominasion de Internet de la URSS.
Etimolojia
El nombre de Rusia en ruso es «Rossíya» (Россия), ke a la vez del grego «Ρωσία» (AFI: [rosˈia]), ke es komo denominavano a la Rus (Русь) en el Imperio bizantino.[1] Sobre el orijen del biervo «Rus» hay varias teorías, ma ninguna de eyas es agzeptada por todos. Las versiones se apartatienen en istórikas, ke se bazan en autores de oy endia, linguístikas i toponímikas. Ansina las prinsipalas hipótesis son la istórika bizantina, la indo-iraní, la linguístika finesa, la istóriko-toponímika prusiana, endemás de varias etimolojias.
Jeografia
El territorio ruso komparte frontieras terrestres al oksidente kon Finlandia, Norvega, Estonia, Letonia, Lituania, Polonia, Bielorusia, Ukraina, Gurdjistán, al norte kon el Oseano Artiko, al oriente kon el Oseano Pasifiko i la repuvlika de Korea del Norte, i al sud haze frontiera kon Mongolia, Kazakistan, Kina. El paiz es divisado en repuvlikas, oblasts i distritos, la kapitala es la sivdad de Mosku, la orbe mas povlada del paiz i unas de las mas povladas del mundo.
Governo i administrasion
La Federasion de Rusia es un estado parlamentario i federal democrático, i konta kon un shefe de estado, Vladimir Putin,i kon un shefe de governo, Mishustin.
Demografia
Sivdades
- Mosku (10.126.424 )
- San Petersburgo (4.600.310)
- Novosibirsk (1.397.191)
- Yekaterinburgo (1.332.264)
- Nijnyy Novgorod (1.271.045)
- Kazan (1.136.566)
- Samara (1.133.754)
- Omsk (1.127.675)
- Birobidjan (75.800)
Linguas
La su lingua ofisiala es el Ruso, ma en sus distintas repúblicas egsisten linguas co-ofisialas.
Relijion
La relijion ke adopto el paez fue el Kristianizmo Ortodokso, ma ay aki tambien otros kultos komo el djudaizmo, el islamizmo i una grande parte de jente no tiene kulto, son ateos. En menor proporsion ay katolikos, drusos, molokans, luteranos i budistas.
Espor
Rusia es la sede del Mundial de Futbol enel anyo 2018.
Ver endemas
Referensias
Atamientos eksternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
