Los Payises Bashos (en neerlandez: Nederland) es un payis evropeo el kualo konforma parte del Reyno de los Payises Bashos (Koninkrijk der Nederlanden), el kualo se konforma endemas de las isolas de Aruba, Kurasao i Sint Maarten. Es myémbro de la Union Evropea (UE). En los Payises Bashos se topa la organizasiyon i la administrasiyon del reyno, i es la sede ofisiala de la Famiya Real Olandesa, ansina komo de sus autoridades exekutivas, lejislativas i djudisialas.
Nederland
Payises Bashos פאייסיס באשוס
![]()
|
Komo lo dize el su nombre, el payis está konformado por tierras (land) bashas (neder) de las kualas una treséra parte está al nivel del mar o por debasho de este.[1] Jeneralmente es yamado kon el nombre de su rejión istórika más konosida i emportante, Olanda, ubikada al oksidente del payis. Su lingua ofisiala es también yamada tradisionalmente komo olandez, anke esto es un yerro deke el su nombre ofisial es neerlandez.
Los Payises Bashos se topan enel noroeste de Evropa i tienen sus limitos al nord i oeste kon la mar del Nord, al sud kon Beljika i al este kon Almania. El payis es una de las rejiones kon major densidad de povlasiyon del mundo i endemas es uno de los payises mas dezvelopados: enel anyo 2008 estaba ubikado en el mueveno lugar en dezvelopamyénto umano asigun el Indise de Dezvelopamyento Umano publikado por las Nasyones Unidas.[2] Jeneralmente son konfondidos los Payises Bashos kon la union komersiala del Benelux: België o Belgique (Beljika), Nederland (Payises Bashos) i Luxemburg (Luksemburgo); akódro komersial sinyaturado enel anyo 1944.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.