From Wikipedia, the free encyclopedia
Hidalgo o el Estado de Hidalgo, ofizialmente yamado Estado Livre i Soberano de Hidalgo. Es una de las 32 entidades federalas del Meksiko ke topa al sentro del paiz, la su kapitala i la sivdad mas grande del estado es Pachuca de Soto. Topa la sus frontiera kon los estado de Querétaro, San Luis Potosí, Veracruz, Puebla, Tlaxcala i Meksiko.
Estado de Hidalgo איסטאדו די אידלגו Estado de Hidalgo
![]()
|
En nombre de Hidalgo es en onra al insurjente de Guanajuato, Miguel Hidalgo i Costilla. Hue adoptado el 15 de febrero del anyo 1856, para nombrar al muevo estado ke endenantes komprendía los territorios del Estado de Meksiko desde 1824, dempues de la independensia de Espanya.
La presensia umana enel estado de Hidlago ha sido por ayazgos en Tepeapulco, Tulancingo, Actopan i Huichapan; su datasion oszila entre los 14 000 i los 2500 a.K. Partes de favna preistorika topada en alkunos puntos dela entidad, datados enel periodo pleistozeno; korresponden a kostilas, vértebras, kranios, magzilares, kolmiyos, kuernos i kaparazones, de especies komo el gliptodonte, mastodonte, mamut, gameo, kavayo, siervo y bisonte. Los primeros en afinkar en estos territorios, hueron grupos olmecas, ke aprovecharon pedreras de jade i serpentina, ansina komo diferentes variedades de basalto i obsidiana, estas últimas de kolor vedrosa, ya ke solo se topa enla rejión de Pachuca.
El territorio de Hidalgo komparte frontieras o lindes kon Tlaxcala y el estado de Mexico al sud, al norte i este i kon Veracruz i San Luis Potosí, al oeste kon Querétaro, al este kon Puebla i Veracruz. El estado es divisado en 84 belediyes, la kapitala es Pachuca de Soto, en vez, es la sivdad mas povlada del estado.
Indemas, Hidalgo se topa entre las sus koordinadas 19° 36’ i 21° 24’ norte i 97° 58’ i 99° 53’ oeste. Ay una superfisie de 20 813 km2, siendo el 1.06% dela superfisie del paiz. El estado konta kon 10 rejiones jeografikas, las kualas zon parte empertante de la diversidad fisika de la entidad.
El klima es variado, alkunos lugares la temperatura es alta i kalorosa komo la Rejion Huasteca, en otros lugares la temperatura es basha kon inyeve en el inverno komo la Komarca Minera, kuyo piko mas alto topa el Serro de las Monjas, en la Serralada de Pachuca.
Belediyes | Kavesera | Belediyes | Kavesera |
---|---|---|---|
Acatlán | San Miguel Acatlán | Tula de Allende | Tula de Allende |
Actopan | Actopan | Viya de Tezontepec | Tezontepec |
Ajacuba | Ajacuba | ||
Atitalaquia | Atitalaquia | ||
Pachuca de Soto | Pachuca de Soto |
El estado de Hidalgo konta kon una grande diversidad kulturala en toda la entidad, kada rejion es distinta en el avla i el lashon de ser.
Es estado es kuna del futbol en el paiz, en el kazal de Real de Monte, los inglezos djogaron este esporte por vez primera. El mayor estadio del estado es el Estadio Hidalgo, sede de los Tuzos del Pachuca, lugar esportivo ande se djogan las partidas de djogo mas emportantes.
Los esportes mas praktikados zon el futbol, el basketbol, la nadada, la charreria, este ultimo konsiderado de espor nasional del paiz, djogado en los Llanos Pulqueros por vez primera.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.