![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6a/Synagogue-Budapest.jpg/640px-Synagogue-Budapest.jpg&w=640&q=50)
Esnoga de la kaleja Dóhany
From Wikipedia, the free encyclopedia
La Esnoga de la kaleja Dóhany o tambien konosida komo la 'Gran Esnoga de Budapest', en ungario Dohány utcai Zsinagóga/Nagy Zsinagóga, en ivrit 'בית הכנסת הגדול של בודפשט, tambien yamada la Esnoga de Tabakgasse, eata ubikada en la máale de Erzsebetváros, el distrito syetimo de Budapest. Es la esnoga má grande de Evropa i la sigunda má grande de todo el mundo[1], dempues de la Keilá Emanu-El de Mueva York. [2]. En eya kaben 3.000 personas i es uno de los sentros prinsipales del djudaismo Neolog. La frágua tiene 75 metros de lungeza i 27metros de ancho[3] i fue konstruyida entre los anyos 1854 i 1859 enel estil del Renasimyento Morisko[4] , bazada en fráguas de esnogas del Maghreb i Espanya (la Alhambra),[5]. El arkitekto el kualo la desinyó fue Ludwig Förster, i parte del interior de la frágua es de Frigyes Fesz.
![Thumb image](http://upload.wikimedia.org/wikipedia/commons/thumb/6/6a/Synagogue-Budapest.jpg/640px-Synagogue-Budapest.jpg)
La kaza ande nasió Theodor Herzl estaba al lado de la Esnoga de la Kaleja Dóhany. En su lar se ankontra oy endia el Muzeyo Djudio, el kualo tiene la "Koleksiyon Istorika y Relijioza Djudia", la kuala fue fraguada enel anyo 1930 de akódro kon el estil de la esnoga i la kuala fue unida a la frágua prinsipala enel anyo 1931.