From Wikipedia, the free encyclopedia
Basha Kalifornia Sud (en lingua kastilyana Estado de Baja California Sur), ofizialmente yamado Estado Livre i Soberano de Basha Kalifornia Sud. Es una de las 32 entidades federalas del Meksiko ke topa al nordoeste del paiz, la su kapitala i la sivdad mas grande del estado es La Paz. Topa la su frontiera kon el estado de Basha Kalifornia.
| Estado de Baja California Sur יסטאדו די באשה קאליפורניה סוד Estado de Basha Kalifornia Sud
|
El nombre Kalifornia ya existía denantes del deshkubrimiento de Amérika, era el nombre de un paiz animado o inventado.
La presensia umana del sud de la peninsola de Basha Kalifornia es de katrosen mil anyos kuando ayegaron por la ruta de las beiras del oseano Pasifiko los primeros grupos umanos eran nómadas, ke levantavan frutos komo manuntensyon.
Existian tres grupos tribales perfectamente definidos en la époka preyispánika: los pericúes, guaycuras i cochimíes. Los pericúes avitavan a la parte sud de la península i se egztendíyan azia el norte, desde Cabo San Lucas azta la parte media de la penínsola, los Guaykuras avitaban la parte media i los cochimies en el extremo norte.
Paralelamente a los cochimíes se anota la existensia de otros grupos nómadas tales komo: kumiai (k'miai), una de las famiyas indíjenas ke junto kon los kukapá, pai pai, kiliwa, cahilla i akuya moravano el norte de la penínsola de Basha Kalifornia, todos pertenezientes a las raizim yumano.
El territorio sudkaliforniano topa al norte kon Basha Kalifornia al sud i oeste kon el Oseano Pasifiko i al este kon la mar de Cortés o Golfo de Kalifornia. El estado es apartajado en sinko belediyes, la kapitala es La Paz. La entidad es parte de la Peninsola de Basha Kalifornia i es el estado kon menos nifus en el paiz.
El estado de Basha Kalifornia Sud se topa en las koordenadas jeografikas del meridiano de Greenwich latitud norte 28º 00' 00 minima, 25º 50' 00 maxima, longitud oeste 114º 00' 47 minima, 111º 58' 00 maxima. En el Oseano Pasifiko ay grandes izlas komo la izla Santa Margarita, tambyen al norte kedan las izlas San Benito. En la Mar de Cortés ay una grande izla ke es Izla Cerravo i otras izlas komo izla Salsipuedes i la izla San Lorenzo.
La serralada sentrala es apartajada en dos katenas montanyosas, la Serralada de La Laguna al sud i la Serralada de Basha Kalifornia al norte.
En el estado de Basha Kalifornia Sud ay una diversidad de klimas, en la parte sentrala del sud es Serralada La Laguna, ayi ay fuertes luvias en invierno i esta yeno de sharas de pinos, ensinos y arvoles de grandes; en la mayor parte del territorio estatal es desyerto kon pokas luvias, rodeado de mares i boiras.
.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
