Palatium Nestoris sive Neograece Ανάκτορο του Νέστορα est aedificium principale urbis Mycenaeae Pyli in Messenia Graeciae, cuius ruinae fere 3 chm. a vico Chora occidentem et meridiem versus distant et fere 17 chm. a Pylo hodierno boream versus. Antiquitates ibi repertae partim in museo archaeologico oppidi Chorae servantur, partim Athenis apud Museum Archaeologicum Nationale.