notio theologica From Wikipedia, the free encyclopedia
Successio Apostolica est notio theologica quae idem quarundam ecclesiarum redditur apostolos auctoritatem successoribus eorum (i.e. episcopis) impositione manuum impertiisse eo modo Sacros Ordines sive sacramentum ordinis costituendo.
Haec doctrina fundamentum est structurae episcopalis maiorum ecclesiarum sive orientalium sive occidentalium.
Impositione manuum et sacramento ordinis apostoli successoribus eorum depositum fidei tradiderunt. Hoc praecepto Successio Apostolica episcopos omnium temporum omniumque locorum cum ecclesia primitiva primi saeculi eiusque fundatore Iesu Christo coniungit.
Secundum theologiam Catholicam, Orthodoxam et Armenam Successio Apostolica explicat notam cum ecclesiae natura coniunctam, scilicet Apostolicitatem, statutam in Concilio Costantinopolitano I (381) et Symbolo Nicaeno-Constantinopolitano proclamatam.
In Catechismo Catholicae Ecclesiae legitur[1]: Ut autem Evangelium integrum et vivum iugiter in Ecclesia servaretur, Apostoli successores reliquerunt Episcopos, ipsis "suum ipsorum locum magisterii tradentes". Re quidem vera, praedicatio apostolica, quae in inspiratis libris speciali modo exprimitur, continua successione usque ad consummationem temporum conservari debebat.
Ecclesia | Titulus | Sedes | Superior primus | Superior praesens | Numeri |
---|---|---|---|---|---|
Ecclesia Catholica Romana | Papa | Roma | Petrus | Benedictus XVI | 265 |
Ecclesiae Orthodoxae | Patriarcha | Constantinopolis | Andreas (apostolus) | Bartholomaeus I | 273 |
Ecclesia Coptorum | Papa | Alexandria (Cairus) | Marcus Evangelista | Sinuthius III | 116 |
Ecclesia Orthodoxa Antiochena Syrorum | Patriarcha | Antiochia (Damascus) | Petrus | Ignatius Zakka I Iwas | 122 |
Ecclesia Apostolica Armena | Catholicus | Echmiadsin | Iudas Thaddaeus | Karekin II Nersissian | 152 |
Ecclesia Syrorum Orientis | Catholicus-Patriarcha | Seleucia-Ctesiphon (Sicagum) | Thomas apostolus | Dinkha IV Khanania | 120 |
Communio Anglicana | Primas | Cantuaria | Augustinus Cantuariensis, "Apostolus Anglorum" | Rowan Williams | 104 |
Unio Ultraiectensis Ecclesiae Veteris Catholicae | Archiepiscopus | Traiectum ad Rhenum | Willibrordus, "Apostolus Frisorum" | Joris Vercammen | 83 |
In theologia Evangelica Successio Apostolica non est coniuncta cum munere ecclesiastico, cuius Apostolicitas fidei consensu cum doctrina apostolorum conservatur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.