Venceslaus I (dux Bohemiae)

Sanctus Venceslaus vel Wenceslaus^[1] (natus circa 907 in Bohemia et obiit die 28 Septembris anni 929^[2] aut 935^[3] Vetero-Boleslaviae) fuit dux Bohemiae. Est et semper erat patronus Bohemorum eorumque civitatis, qui populum suum familiam sancti Venceslai nominant.^[4]

Sanctus Venceslaus
Venceslaus in pictura archiepiscopi Ioannis Ocelli ex anno 1371
Dux Bohemorum
Natus	circa 907 Praga?, Bohemia
Mortuus	28 Septembris 935 Antiqua Boleslavia, Bohemia
Veneratus a /in	Ecclesia Catholica Romana et Ecclesiis Orthodoxis
Attributa	corona ducis, aquila sancti Venceslai (aquila nigra cum flammis)
Patronus	Bohemiae
Index Sanctorum

Vita

Venceslaus erat filius ducis Vratislai et Drahomirae uxoris eius. Avia eius sancta Ludmilla erat, quae iussu nurus eius Drahomirae necata est.

Venceslaus fundavit novam ecclesiam in arce Pragensi sancto Vito consecratam.

Venceslaus habebat fratrum minorem Boleslaum. Hic interfecit eum die 28 Septembris anni 935 in castro suo, ut ipse dux Bohemiae fieret. Sed huius caedis causae e fontibus dubiis atque incertis non plane eruuntur.

Veneratio

Venceslaum mox ut martyrem et primum omnium Slavorum sanctum venerabantur. Corpus eius a fratre duce Boleslao Pragam in ecclesiam sancti Viti translatum est. Imperator Carolus IV supra sepulcrum eius novam cappellam sancti Venceslai aedificavit.

Etiam ecclesia cathedralis Cracoviensis Deo sub titulo sancti Wenceslai dicata est, cui titulo postea et sanctus Stanislaus adiunctus est.^[5]

A temporibus imperatoris Caroli IV corona regni Bohemiae, dicta corona sancti Venceslai, instar^? putabatur sui ac proprii status Bohemiae sive in Sacro Romano Imperio sive posthac in Imperio Austriaco et Imperio Austro-Hungarico.

Unum forum magnum Pragae in honorem sancti Venceslai appellatum est Forum sancti Venceslai.

Dies eius festus 28 Septembris^[6] est, translationis die 4 Martii celebratur.^[7].

Notae

1. In Breviario Romano nomen eius ‘Wenceslaus’ semper scribetur.
2. secundum Cosmam Pragensem
3. secundum Viducindum de Corvay^?
4. Lexikon für Theologie und Kirche, s. v. Wenzel
5. Officia propria pro clero dioecesium Poloniae, Pars autumnalis. Tornaci: Desclée, s.d. [imprimatur 1938], p. 27
6. PRECLÍK, Vratislav. Masaryk a legie (Masaryk and legions), váz. kniha, 219 str., vydalo nakladatelství Paris Karviná, Žižkova 2379 (734 01 Karviná-Mizerov, CZ) ve spolupráci s Masarykovým demokratickým hnutím (Masaryk Democratic Movement, Prague), 2019, ISBN 978-80-87173-47-3, pp.17 - 25, 33 - 45, 70 – 96, 100- 140, 159 – 184, 187 - 199
7. LTK, ut supra

Nexus externi

Vicimedia Communia plura habent quae ad sanctum Venceslaum spectant.

Reges et duces Bohemiae

Duces: Bořivoj I • Spitigneus I • Vratislaus I • Venceslaus I • Boleslaus I • Boleslaus II • Boleslaus III • Vladivoj • Boleslaus Fortis • Jaromír • Ulricus • Bretislaus I • Spitigneus II • Vratislaus II (rex Vratislaus I) • Conradus I • Bretislaus II • Bořivoj II • Svatopluk • Vladislaus I • Sobieslaus I • Vladislaus II (rex Vladislaus I) • Fredericus • Sobieslaus II • Conradus II • Venceslaus II • Henricus Bretislaus • Ottocarus • Vladislaus III Reges: Ottocarus I • Venceslaus I • Ottocarus II • Venceslaus II • Venceslaus III • Rudolphus I • Henricus • Ioannes • Carolus I • Venceslaus IV • Sigismundus • Albertus • Ladislaus • Georgius Podiebradensis • Matthias Corvinus • Vladislaus II • Ludovicus • Ferdinandus I • Maximilianus • Rudolphus II • Matthias II • Fredericus • Ferdinandus II • Ferdinandus III • Ferdinandus IV • Leopoldus I • Iosephus I • Carolus II • Carolus Albertus • Maria Theresia • Iosephus II • Leopoldus II • Franciscus I • Ferdinandus V • Franciscus Iosephus I • Carolus III