Nialus Gaiman

Nialus Gaiman (Anglice Neil), natus die 10 Novembris 1960, est scriptor Anglicus, qui multos libros, pelliculas, libros nubeculatos, et fabellas scripsit. Opus eius praemia meruit, et scriptor primus est qui praemia et Carnegie et Newbury pro eodem opere accepit.

Nialus Gaiman, anno 2004.

Gaiman cum duobus canibus pastoralibus candidis habitat (2009).

Gaiman natus est in Portu Adurni a parentibus Iudaicis nomine David et Sheila Gaiman anno 1960. Duas sorores habet. Parentes eius Scientologiae operam dabant, sed Gaiman ipse negat se Scientologistam esse. Quattuor annos natus legere potuit, et iuvenis Dominum Anulorum saepe legebat. Orientali Grinstead habitabat multos annos antequam Minneapolim migravit quo propinquius familiae uxoris primae suae esset. Nomen uxori Maria McGrath erat. In matrimonium eam duxit anno 1985 et tres liberos genuerunt.

Cantrix Tori Amos multos annos est amica eius. Opera alterius, de alterius operibus saepe loquuntur.

Nunc maritus est Amandae Palmer, quae est citharoeda.

Opera selecta

• The Sandman ('vir harenae', series librorum nubeculatorum, 1989-hoc tempus)
• Neverwhere ('nunquam-ubi', series televisica, 1996)
• American Gods ('di Americani', mythistoria, 2001)
• Stardust ('pulvis stellae', 1999)
• Coraline (2002)
• The Graveyard Book ('liber coemeterii', 2008)
• Good Omens ('bona omina', cum Terentio Pratchett, 1990)
• The Ocean at the End of the Lane ('oceanus ad finem semitae', 2013)

Nexus externi

Vicimedia Communia plura habent quae ad Nialum Gaiman spectant.

• Haec pagina macris annotata