Camtschatca[1] seu Camtschatka[2] (Russice Камчатка, tr. Kamčatka), seu phonetice nostris auribus melius Camsatca[3] et Camptiadica[4], est paeninsula in Asia septentrionali et orientali, inter mare Ochotense ad occidentem et mare Beringianum oceanumque Pacificum ad orientem sita. In dicione Russiae est, in cuius territorio Camsatico includitur.
Geographia
Camtschatca, aream circa 270 milia chm2 habens, secunda a maxima paeninsula Russica est. Maximum paeninsulae flumen etiam Camtschatca vocatur. Iugum Medium (Sredinnyj) paeninsulam dimidiat. Lacus Camtschatcsae maximi sunt lacus Pusarum, lacuna salsa prope ad ostium Camtschatcae sita, et lacus Kronokiensis sub monte eiusdem nominis.
Vulcanismus
In Camtschatca sunt plus centum et sexaginta vulcani, quorum sexaginta octo sunt activi.[5] Mons Fontinalis altissimus est; prope quem et mons Innominatus stat; mons Avaczensis et mons Coraecicus in parte Camtschatcae meridiana prope portum Petri et Pauli siti sunt. In paeninsula Kronokiensi[6] prope montem igniferum Kronokiensem et Vallis scauturiginum geyzerianarum, aquarum calidarum salientium abundans, sita est. Shivelucz est montium igniferorum Camtschatkae erumpentium maxime septentrionalis.
Notae
Nexus externi
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
