Heraclius Garibašvili

Heraclius Tarieli f. Garibašvili vel litteris Georgicis ირაკლი ტარიელის ძე ღარიბაშვილი^[1] (Tiphlis in urbe natus die 28 Iunii 1982) est politicus Georgiae et ab anno 2013 primus minister patriae.

Heraclius Garibašvili anno 2013 pictus

Heraclius Garibašvili alumnus est universitatum Tiphlisensis et Parisiensis I: Lutetiae enim annis 2002-2004 degebat. Iuxta negotiatorem Bidzina Ivanišvili ab anno fere 2005 operam dedit. Factionis Somnii Georgiani, ab eodem anno 2009 conditae, mox sodalis factus est. Illa factione in comitiis anni 2012 victrice, Garibašvili minister rerum internarum creatus est, primo ministro Bidzina Ivanišvili ipso; cui in officium die 20 Novembris 2013 succedit.