Harpocrates

Harpocrates (Graece Ἁρποκράτης) est nomen Graecum sive Latinum Hori-pueri, dei Aeyptiorum. Cum deo Hor-pa-chered tertii interregni Aegyptii (1069 - 653 a.C.) non exaequandus est. Una cum Serapide et Iside Harpocrates imprimis in regione Alexandriae cultus est.^[1]

Harpocrates aeneus temporis Ptolemaeorum, Calouste Gulbenkian Foundation, Olisipone.

Harpocrates, saec. 2 a.C.n., Archaeologicum Museum Thessalonicae.

Harpocrates
Nomen Aegyptium
Hieroglyphica
Translitteratio	Ḥr-p3-ẖrd
Translatio	Horus, puer

Fontes

Harpocrates "Ptolemaicus" primo anno 243 a.C.n. in titulo sacro Isidis sanctuarii Philis invenitur, quem Ptolemaeus III cum familia fieri iussit.^[2] In litteris et tempore Ptolemaeorum et Imperii Romani raro memoratur. Plutarchus (fere 45 usque ad 125) Harpocraten ob nativitatem postumam pedibus impeditum fuisse descripsit.^[3] Signum digiti ad os positi, re vera pueritiam valens, falso indix silentii acceptum est, confer ut puta Catullum: patruum reddidit Arpocratem.^[4]

Notae

1. Sandra Sandri (2006). Har-Pa-Chered (Harpokrates). Die Genese eines ägyptischen Götterkindes. Lovanii et al., p. 23.
2. Ibidem
3. Plutarchus, De Iside et Osiride, 19.
4. Carm. 74,4.

Bibliographia

• Bernand, André (1969). Époque ptolémaïque (= Les Inscriptions grecques de Philae. Vol. 1). Parisiis, p. 75–77.
• Leitz, Christian et al. (2002). Lexikon der ägyptischen Götter und Götterbezeichnungen. (LGG) Vol. 5: Ḥ - ḫ (= Orientalia Lovaniensia analecta. Vol. 114). Lovanii, ISBN 90-429-1150-6, p. 281–282.
• Sandri, Sandra (2006). Har-Pa-Chered (Harpokrates). Die Genese eines ägyptischen Götterkindes (= Orientalia Lovaniensia analecta. Vol. 151). Lovanii et al., ISBN 90-429-1761-X (Item: thesis doctoralis, Universitatis Moguntinae, 2004).