Abdalla Binkīrān

Abdalla Binkīrān seu litteris Arabicis عبد الإله بنكيران (Rabati die 4 sive 8 Aprilis 1954 natus) est politicus Maroci. Alumnus universitatis Rabatensis, ^[1] professor factus est anno 1979 scholae normalis superioris educationis technicae eaedem urbis. Anno 1976 ad societatem secretam Chabiba Islamiya ("iuventutem Islamicam") se adiunxit, sed novam fraternitatem Al Jamaa Al Islamiya anno 1981 ipse condidit tardiusque in factionem politicam publicam convertit. A die 14 Novembris 1997 legatus est apud conventum nationalem. Dux factionis iustitiae et evolutionis, victor in comitiis anni 2011, die 29 Novembris huius anni a rege Mahometo VI primus minister creatus est. Iussu eiusdem die 15 Martii 2017 demissus est, successore Saʿd al-Dīn al-ʿUṯmānī.

Abdalla Binkīrān

Res apud Vicidata repertae:

Abdalla Binkīrān: imago

Abdalla Binkīrān: subscriptio

Nativitas: 4 Aprilis 1954, 2 Aprilis 1954; Rabatum
Patria: Marocum