Regio V (Constantinopolis)
From Wikipedia, the free encyclopedia
Regio quinta (e quattuordecim urbis Constantinopolis regionibus Theodosianis) Thermas Honorianas comprehendit. Sic in Notitia urbis Constantinopolitanae describitur:
- Regionis quintae non modica pars in obliquioribus posita locis planitie excipiente producitur; in qua necessaria civitatis aedificia continentur. Continet in se:
- Thermas Honorianas. Cisternam Theodosianam. Prytaneum. Thermas Eudocianas. Strategium, in quo est forum Theodosiacum et obeliscus Thebaeus quadrus. Horrea olearia. Nympheum. Horrea Troadensia. Horrea Valentiaca. Horrea Constantiaca. Portum prosforianum. Scalam Chalcedonensem. Vicos viginti tres. Domos centum octaginta quattuor. Porticus magnas VII. Balneas privatas undecim. Pistrina publica septem. Pistrina privata duo. Gradus novem. Macellos duos. Curatorem unum. Vernaculum unum. Collegiatos quadraginta. Vicomagistros quinque.