Regio I (Constantinopolis)
From Wikipedia, the free encyclopedia
Regio prima (e quattuordecim urbis Constantinopolis regionibus Theodosianis) Palatium Magnum comprehendit. Sic in Notitia urbis Constantinopolitanae describitur:
- Prima regio longa situ plana in angustum producitur a palatii inferiore parte contra theatrum maius euntibus, dextro latere declivis in mare descendit, regiis nobiliumque domiciliis clara. Continet in se:
- Idem palatium magnum. Lusorium. Palatium Placidianum. Domum Placidiae Augustae. Domum nobilissimae Marinae. Thermas Arcadianas. Vicos sive angiportus viginti novem. Domos centum decem et octo. Porticus perpetuas duas. Balneas privatas quindecim. Pistrina publica quattuor. Pistrina privata quindecim. Gradus IIII. Curatorem unum, qui totius regionis sollicitudinem gerat. Vernaculum unum, velut servum in omnibus et internuntium regionis. Collegiatos viginti quinque, qui e diversis corporibus ordinati incendiorum solent casibus subvenire. Vicomagistros quinque, quibus per noctem tuendae urbis cura mandata est.