Qu Yuan
vates Sinarum / From Wikipedia, the free encyclopedia
Qū Yuán, litteris Sinicis 屈原 (floruit saeculo IV a.C.n. exeunte) fuit vates, samanaeus et aulicus Sinarum auctorque principalis illius anthologiae poëticae quae sub appellatione Chu ci (楚辭) scilicet "Carmina regni Chu", cognovimus.
Nulli fontes de vita Qu Yuan coaevi exstant nisi illud carmen, praecipuum et fortasse solum ab eo compositum, titulo "Li sao" (離騷, scilicet "Contra molestias"). E quo satis constat (si vates res veras loquitur de vita sua) patrem fuisse Bo Yong, progenitorem mythicum Gao Yang; ipsum regi Huai aulicum fuisse fidelem, sed ab eodem rege reiectum. Propter quam rationem vates sibi mortem inlaturum praetendit.
Vita Qu Yuan legitur inter paginas biographicas operis historici Shiji, a Sima Qian saeculo I a.C.n. ineunte compositi.