![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/89/Stellaria_media_macro.jpg/640px-Stellaria_media_macro.jpg&w=640&q=50)
Planta annua
From Wikipedia, the free encyclopedia
Planta annua est planta, quae unum periodum vegetationis vivit et omnes status a germinatione per florescentiam et semina propaganda usque ad mortem per aliquot menses transit. Saepius hic periodus vegetationis est tempus anni calidum a vere usque ad autumnum, sed et plantae annuae hiemales, quae autumno sero germinant et vere florent, inveniuntur; tales sunt Stellaria media, Lamium amplexicaule et Barbareae variae.
![Thumb image](http://upload.wikimedia.org/wikipedia/commons/thumb/8/89/Stellaria_media_macro.jpg/640px-Stellaria_media_macro.jpg)
Periodus vegetationis diversus potest esse, a 30-40 dies ad 270-300. Brassica rapa, exempli causa, per quinque hebdomadas potest semina dare et emori; hae plantae brevi vita ephemerae nuncupantur. Nonnullae plantae ephemerae loco et condicionibus faventibus duas vel tres generationes per annum dare possunt.