![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Southern_Aegean_relief_location_map.jpg/640px-Southern_Aegean_relief_location_map.jpg&w=640&q=50)
Phylacope
From Wikipedia, the free encyclopedia
Phylacope, litteris Graecis Φυλακωπή, est locus oppidi culturae Cycladicae in insula Melo siti, ab archaeologis Britannis annis 1896-1899 et 1910 rursusque duce Colin Renfrew annis 1974-1977 effoditi. Ibi reperta sunt fragmenta picturae muralis Piscium volitantium hodie apud Museum Archaeologicum Nationale Athenis ostentata; ibi etiam pes figlinus quo piscatores quattuor depinguntur. Iuxta Phylacopam cumulus lapidum obsianorum magnus repertus est, e fodinis duabus Meliis apportatorum (videlicet Demenegacium et Ad Nychia), fortasse ut in alias insulas committerentur.
![Thumb image](http://upload.wikimedia.org/wikipedia/commons/thumb/a/a0/Phylakopi_flying_fish.jpg/220px-Phylakopi_flying_fish.jpg)