![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d7/20190406-DSC5193_Panteon.jpg/640px-20190406-DSC5193_Panteon.jpg&w=640&q=50)
Pantheum
From Wikipedia, the free encyclopedia
Pantheum,[1] Latinitate medii aevi etiam Pantheon[2] (Graece Πάνθειον), est clarissimum aedificium, quod Campo Martio Romae in usu continuo ex antiquitate remanet. Ab Agrippa consule anno 27 a.C.n. aedificatum, deinde incendio anno 80 consumptum, postea ab Hadriano anno 125 restitutum est. Etiam nunc, restat mundi maximum concretum sine supplementis convexum.
![Thumb image](http://upload.wikimedia.org/wikipedia/commons/thumb/2/2a/Einblick_Panorama_Pantheon_Rom.jpg/640px-Einblick_Panorama_Pantheon_Rom.jpg)
![Thumb image](http://upload.wikimedia.org/wikipedia/commons/thumb/6/67/Dehio_1_Pantheon_Floor_plan.jpg/640px-Dehio_1_Pantheon_Floor_plan.jpg)
![Thumb image](http://upload.wikimedia.org/wikipedia/commons/thumb/7/77/Roma40.jpg/640px-Roma40.jpg)
![Thumb image](http://upload.wikimedia.org/wikipedia/commons/thumb/d/dc/Pantheon_%28Rome%29_-_Dome.jpg/640px-Pantheon_%28Rome%29_-_Dome.jpg)
![Thumb image](http://upload.wikimedia.org/wikipedia/commons/thumb/1/1a/Italy_Rome_pantheon_inside.jpg/640px-Italy_Rome_pantheon_inside.jpg)
![Thumb image](http://upload.wikimedia.org/wikipedia/commons/thumb/d/d7/20190406-DSC5193_Panteon.jpg/640px-20190406-DSC5193_Panteon.jpg)
Primum ad omnes deos consecratum, Phocas I, imperator Romanorum Constantinopolitanus, aedificium Bonifacio papae IV anno 609 dedit, quod in ecclesiam (basilicam) Christianam nomine Sancta Maria ad Martyres mox conversum est. Post saeculum XV, aedificium etiam pro sepulcreto adhibebatur, ubi Raphael Sanctius Urbinas et Hannibal Carracci pictores, Archangelus Corelli compositor, et Balthasar Perutius architectus sepulti sunt.