![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9a/Book_of_Condolence_%252852366561634%2529_%2528cropped%2529_%2528cropped%2529.jpg/640px-Book_of_Condolence_%252852366561634%2529_%2528cropped%2529_%2528cropped%2529.jpg&w=640&q=50)
Ouhoumoudou Mahamadou
politicus / From Wikipedia, the free encyclopedia
Ouhoumoudou Mahamadou (ad Amaloul Nomade(de) prope Affala anno 1954 natus) est politicus Nigritaniae.
![Ouhoumoudou Mahamadou: imago](http://upload.wikimedia.org/wikipedia/commons/thumb/9/9a/Book_of_Condolence_%2852366561634%29_%28cropped%29_%28cropped%29.jpg/640px-Book_of_Condolence_%2852366561634%29_%28cropped%29_%28cropped%29.jpg)
Ad Affala et Niamey educatus est. Alumnus est universitatum Lomeensis, Cenomanensis, Redonensis, Minnesotensis, rebus oeconomicis et commercialibus studens. Apud societates tam nationales quam commerciales ab anno 1979 operam dedit. Minister a fodinis et industria die 7 Novembris 1991 creatus est, primo ministro Amadou Cheiffou, quo officio usque in 23 Aprilis 1993 functus est. Recentius a die 21 Aprilis 2011 ad 2 Aprilis 2012 minister a vectigalibus meruit, primo ministro Brigi Rafini: inde statim director Nigritanus Argentariae Internationalis Africanae factus est.
Rector consilii ministrorum iuxta praesidem Mahamadou Issoufou a die 4 Iunii 2015 functus est, sed novus praeses Mahometus Bazoum nuper instauratus Ouhoumoudou Mahamadou primum ministrum die 3 Aprilis 2021 promovit.