![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/09/Nikolaj_G._%25C4%258Cerny%25C5%25A1evskij_1888.jpg/640px-Nikolaj_G._%25C4%258Cerny%25C5%25A1evskij_1888.jpg&w=640&q=50)
Nicolaus Černyševskij
From Wikipedia, the free encyclopedia
Nicolaus Gabrielis filius Černyševskij (Russice Николай Гаврилович Чернышевский, tr. Nikolaj Gavrilovič Černyševskij; natus Saratoviae die 12 Iulii (24 Iulii apud Calendarium Gregorianum) 1828, mortuus ibidem die 17 Octobris (29 Octobris apud Calendarium Gregorianum) 1889) erat philosophus socialista modo utopiae, nihilista, rerum novarum cupidus populista (motus vulgo Narodniki dicti) et scriptor Russicus.
![Nicolaus Černyševskij: imago](http://upload.wikimedia.org/wikipedia/commons/thumb/0/09/Nikolaj_G._%C4%8Cerny%C5%A1evskij_1888.jpg/320px-Nikolaj_G._%C4%8Cerny%C5%A1evskij_1888.jpg)
![Nicolaus Černyševskij: subscriptio](http://upload.wikimedia.org/wikipedia/commons/thumb/f/fe/%D0%91%D0%A1%D0%AD1._%D0%90%D0%B2%D1%82%D0%BE%D0%B3%D1%80%D0%B0%D1%84._%D0%90%D0%B2%D1%82%D0%BE%D0%B3%D1%80%D0%B0%D1%84%D1%8B._10.svg/150px-%D0%91%D0%A1%D0%AD1._%D0%90%D0%B2%D1%82%D0%BE%D0%B3%D1%80%D0%B0%D1%84._%D0%90%D0%B2%D1%82%D0%BE%D0%B3%D1%80%D0%B0%D1%84%D1%8B._10.svg.png)
Obitus: 17 Octobris 1889; Saratovia
Patria: Imperium Russicum
Familia
Memoria
Alumnus divisionis historico-philologicae facultatis philosophicae Universitatis Petropolitanae, Nicolaus Černyševskij initio ut magister, dein ut diurnarius et criticus litterarius favebat operi. Rerum novarum cupidus, modus gubernandi Imperii Russici sui temporis damnabat. Anno 1862 propter proclamationem suam criticam de reforma servos liberantem in Imperio Russico anno 1861 perfectam (quam non satis esse putavit), arrestatus est et dein plus quam viginti annos in carcere et exsilio mansit. Cum in arce Sanctorum Petri et Pauli Petropolitana incarcerabatur, inter menses Decembrem anni 1862 et Martium anni 1863, Černyševskij magnum opus suum – mythistoriam nomine Quid facere? (Russice «Что делать?») – scripsit. Ibi auctor exempla hominum bonorum generationis novae depinxit atque ethicam 'egoismi rationalis' suam introduxit. Opus illud opiniones multorum hominum (quorum fuit, e.g., Vladimirus Lenin) maxime affecit.