![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6f/Prime_Minister_Manmohan_Singh_in_WEF_%252C2009_%2528cropped%2529.jpg/640px-Prime_Minister_Manmohan_Singh_in_WEF_%252C2009_%2528cropped%2529.jpg&w=640&q=50)
Manmohan Singh
From Wikipedia, the free encyclopedia
Manmohan Singh, litteris Panjabicis ਮਨਮੋਹਨ ਸਿੰਘ (die 26 Septembris 1932 natus) fuit ab anno 2004 ad 2014 primus minister Indiae.
Manmohan Singh die 26 Septembris 1932 natus est in vico Gāh, eo tempore sub dominatione Indiae Britannica sed ab anno 1947 in Pakistania comprehenso; quo anno parentes ad Amritsar Indiae migraverunt. Apud universitatem Panjabensem in India studuit et in Anglia apud universitates Cantabrigiensem (ubi sodalis fuit collegii Iohannis) et Oxoniensem (ubi collegii Nuffield sodalis gradum doctoris rerum oeconomicarum meruit).
Apud Nationes Unitas annis 1966-1969 operam dedit, deinde duos annos professor in universitate Delliensi, deinde in factione Congressus Indiae, ubi ab anno 1991 usque ad 1996 fuit minister pecuniae. Ductor factionis Congressus fuit a die 21 Martii 1998 et primus minister Indiae a die 22 Maii 2004. Narendra Modi die 26 Maii 2014 primus minister Indiae factus est.