From Wikipedia, the free encyclopedia
Hubertus (Theod. Hubert) Schlebusch (natus 28 Iunii 1893 Gladbaci Monachorum, mortuus 20 Octobris 1955 Brunsvici) vir publicus Germaniae et sodalis SPD fuit.
Post scholam primariam finitam Schlebusch seminarium magistrorum frequentabat et deinde ab anno 1913 magister oppido Viersen laborabat. Deinde annis 1914 - 1918 Bello Orbis Terrarum I miles conscriptus interfuit. Post bellum finitum iterum magister fuit.
Schlebusch, qui anno 1919 sodalis SPD factus est, eodem anno decurio Gladbaci Monachorum electus est. Anno 1933 etiam legatus Dietae Imperii Germanici electus est, sed iam brevi post tempore a Nazistis, qui rerum Germaniae potiti sunt, dimissus est et Gladbaco Monachorum expulsus est. Itaque Schlebusch Brunsvicum iit. Ibi cum aliis sodalibus suae factiones clam Nazistis resistebat et itaque nonnumquam in carcerem iactus est. Praeterea hoc tempore pro societate cautionum Helvetica laboravit. Bello Orbis Terrarum II finito Schlebusch 12 Aprilis 1945 a militibus Americanis, qui Rem Publicam Brunsvicum expugnaverant, novus praeses ministrorum huius terrae factus est. Mense Ianuario 1946 Alfredus Kubel (SPD) eius successor nominatus est. 21 Novembris 1946 Res Publica Brunsvicum cum aliis terris consociata et nova terra Saxonia Inferior condita est. Schlebusch praeses regionis Brunsvici (pristinae terrae) factus est et ad annum 1955 mansit.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.