Gulielmus Ruto
politicus / From Wikipedia, the free encyclopedia
Gulielmus Ruto, vulgo plene William Kipchirchir Samoei Arap Ruto, scriptis scientificis W. K. S. Ruto (Kamagut in oppido die 21 Decembris 1966 natus) est politicus Keniae. A die 13 Septembris 2022 praeses meret.
E populo Kalenjin ortus, in scholis ruralibus et Kapsabet in urbe educatus, alumnus est universitatis Nairobiensis ubi botanices et zoologiae studuit. In eadem universitate recentius gradum doctoris ascendit.
Ibi primum cognovit praesidem Daniel arap Moi eiusdem populi prolem, ad cuius electionem anno 1992 laboravit. Legatus est pallamento Keniano ab anno 1997 usque in 2013 pro circulo Eldoret. Minister rerum internarum breve temporis spatium anno 2002 meruit, Daniel arap Moi etiamtunc praeside. Minister ab agricultura factus est die 17 Aprilis 2008, deinde minister eruditionis die 21 Aprilis 2010. Praeses vicarius fuit a die 9 Aprilis 2013 usque in 13 Septembris 2022.