Gulielmus Eteki Mboumoua
politicus / From Wikipedia, the free encyclopedia
Gulielmus Eteki Mboumoua (Dualae natus die 20 Octobris 1933; Yaunde in urbe die 26 Octobris 2016 mortuus) fuit politicus Cameroniensis et internationalis.
E familia nobili gentis Sawa ortus est. Nuper ab alma matre Francica rediens gubernator factus est praefecturae Sanaga Maritimae anno circiter 1960, sed mox minister eruditionis nationalis iuventutisque promotus est, quo officio ab anno 1961 ad 1968 fungebatur, Paulo Biya praeside futuro a secretis merente. Insuper cancellarius factus est anno 1962 universitatis foederalis Yaundensis nuper conditae. Anno 1968 praeses fuit congressus generalis UNESCO eo anno Lutetiae acti. Secretarius generalis meruit iuxta ordinem unitatis Africanae a die 16 Iunii 1974 usque ad 21 Iulii 1978, antecessore Nzo Ekangaki. In patriam reditus minister a rebus externis fuit ab anno 1984 usque ad 1987. Praeses fuit Crucis Rubrae Cameronensis ab anno fere 2002 usque ad mortem.