![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f3/Tabula_Guineae_Aequinoctialis_Latine.png/640px-Tabula_Guineae_Aequinoctialis_Latine.png&w=640&q=50)
Guinea Aequinoctialis
From Wikipedia, the free encyclopedia
Guinea Aequinoctialis,[1] rite res publica Guineae Aequinoctialis[2] (Hispanice República de Guinea Ecuatorial), est civitas sui iuris mediá Africá sita, 28 000 chiliometrorum quadratorum lata. Olim colonia Guinea Hispanica, suum nomen post libertatem suam collocationem prope et Lineam Aequinoctialem et Sinum Guineensem evocat. Guinea Aequinoctialis unica libera Africana civitas est ubi lingua Hispanica officialis est. Anno 2015 civitas aestimatam populositatem? circiter 1.2 milliones habebat.[3]
![Thumb image](http://upload.wikimedia.org/wikipedia/commons/thumb/f/f3/Tabula_Guineae_Aequinoctialis_Latine.png/640px-Tabula_Guineae_Aequinoctialis_Latine.png)
![Guinea Aequinoctialis: insigne](http://upload.wikimedia.org/wikipedia/commons/thumb/f/f8/Coat_of_arms_of_Equatorial_Guinea.svg/640px-Coat_of_arms_of_Equatorial_Guinea.svg.png)
![Guinea Aequinoctialis: vexillum](http://upload.wikimedia.org/wikipedia/commons/thumb/3/31/Flag_of_Equatorial_Guinea.svg/640px-Flag_of_Equatorial_Guinea.svg.png)
Territoria finitima: Cameronia, Gabon
Locus: 1°30′0″N 10°0′0″E
Caput: Malabo
Gestio
Praefectus: Manuela Roka
Consilium: Parliament of Equatorial Guinea
Situs interretialis
Populus
Sermo publicus: lingua Hispanica, Francogallice, lingua Lusitana
Zona horaria: UTC+1
Moneta: Central African CFA franc
Commemoratio
Praeceptum: Unity, Peace, Justice
Guinea Aequinoctialis duabus e partibus, insulari continentalique regione, consistit. Insularis regio ex insulis Bioko, apud alios "Ferdinandi Pai"[4] seu "de Fernando Poo"[5] in Sinu Guineensi, et Annobona, parvá vulcanicá insulá meridie Lineae Aequinoctialis, consistit. Insula Bioko est septentrionalissima Guineae Aequinoctialis pars et urbis capitalis Malabo[6] locus. Insularis natio Sancti Thomae et Principis inter Bioko et Annobonam sita est. Continentalis regio, Rivus Muniensis[7] (Hispanice Río Muni), finitima est Cammaruniae septentrione et Gaboni meridie orientique. Quae est situs urbium Bata,[8] maximae in hac civitate, et Oyala, urbis capitalis futurae. Rivus Muniensis aliquot parvas litorales insulas etiam includit, sicuti Corisco[9], Elobey magnum[10] (Hispanice Elobey Grande) et parvum (Hispanice Elobey Chico). Natio sodalis est Unionis Africanae, Francophoniae et Communitatis Nationum Linguae Lusitanae(pt).
Mediis ex annis 1990, Guinea Aequinoctialis una apud eas Subsaharianas nationes quae maiorem petrolei quantitatem proferunt facta est. Opulentissima natio per capita est in Africa,[11] et eius proventus domesticus grossus (PDG) adaptus pari pecuniae vi (PPP) per capite ordine 43 in mundo collocatur;[12] Nihilominus, divitiae imparissime distribuuntur et pauci homines e petrolei abundantiā profecere. Natio ordine 144 secundum indicem progressūs humani a Nationibus Unitis anno 2014 collocatur. Nationes Unitae minus quam populositatis dimidium accessum ad aquam bibilem habere et 20% pueorum antequam quinque annos sint mori aiunt.
Auctoritaria nationis gubernatio aliquae apud peiora acta de iuribus humanis in toto orbe terrarum habet, quod consistenter eam collocat apud peiora mundi secundum annuam recensionem politicis civilibusque de iuribus effectam a Freedom House, organizatione re publicā vacante.[13] Relatores sine Finibus organizatio Praesidem Theodorum Obiang Nguema Mbasogo apud libertatis imprimendi "praedatores" collocat.[14] Mercatus hominum significativum problema est, Statunitensi Relatione de Mercatū Hominum anni 2012 affirmante Guineam Aequinoctialem fontem deestinationemque feminarum puerorumque subiectorum labori coacticio et commercio sexuali esse. Haec relatio Guineam Aequinoctialem "Tertii Gradūs" nationem, infimum (pessimum) locum, classificat: "Nationes quarum gubernationes haud omnino minimis normis obsequuntur neque operam dant ut ita faciant".[15]