![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2e/Asian_girl_with_dimples.jpg/640px-Asian_girl_with_dimples.jpg&w=640&q=50)
Gelasinus
From Wikipedia, the free encyclopedia
Gelasinus (Graece γελασῖνος 'risus; gelasinus') est cutis depressiuncula quae in buccis nonnullorum hominum ridentium aut renidentium conspicitur. Gelasini plerumque bini sunt, sed interdum gelasinus in altera tantum bucca videtur. De proprietate dominatrice genetica agitur. Nihilo minus gelasini, etsi de genotypo coniectari possint, saepe prae aliis faciei proprietatibus non conspiciuntur. Aetate provecti persaepe gelasinos quos iuvenes habuerunt amiserunt.
![Thumb image](http://upload.wikimedia.org/wikipedia/commons/thumb/2/2e/Asian_girl_with_dimples.jpg/640px-Asian_girl_with_dimples.jpg)
Nec grata est facies, cui gelasinus abest.– Marcus Valerius Martialis, Epigrammata, VII, 25, v. 6