![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6f/R%25C3%25A9ception_pour_les_Fran%25C3%25A7ais_de_Shanghai_20100430_-_10.jpg/640px-R%25C3%25A9ception_pour_les_Fran%25C3%25A7ais_de_Shanghai_20100430_-_10.jpg&w=640&q=50)
Fridericus Mitterrand
From Wikipedia, the free encyclopedia
Fridericus Mitterrand, vulgo plenius Frédéric Bernard Mitterrand (natus die 21 Augusti 1947; mortuus die 21 Martii 2024) fuit ostentator televisualis, scriptor et politicus Francicus qui annis 2009-2012 minister culturae meruit. Nepos est, filius fratris, praesidis Francisci Mitterrand.
![Fridericus Mitterrand: imago](http://upload.wikimedia.org/wikipedia/commons/thumb/6/6f/R%C3%A9ception_pour_les_Fran%C3%A7ais_de_Shanghai_20100430_-_10.jpg/640px-R%C3%A9ception_pour_les_Fran%C3%A7ais_de_Shanghai_20100430_-_10.jpg)
Obitus: 21 Martii 2024; Circumdarium VII Lutetiae
Patria: Francia, Tunesia
Nomen nativum: Frédéric Bernard Mitterrand
Familia
![Thumb image](http://upload.wikimedia.org/wikipedia/commons/thumb/c/ce/R%C3%A9ception_pour_les_Fran%C3%A7ais_de_Shanghai_20100430_-_16.jpg/640px-R%C3%A9ception_pour_les_Fran%C3%A7ais_de_Shanghai_20100430_-_16.jpg)
Lutetiae natus, Roberti Mitterrand ingeniarii et Edithae Cahier filius, Fridericus Mitterrand est alumnus Universitatis Parisiensis X et Instituti Scientiarum Politicarum in urbe natali. Iam annum tertium decimum agens inter histriones principales fuit pelliculae Fortunat in qua partes Mauritii Valcourt egit. Annis posterioribus histrio cinematographicus fuit, sed rarius. Vox eius auditur in pellicula Le fabuleux destin d'Amélie Poulain, anno 2001 divulgata.
Ab anno 1971 ad 1986 theatra cinematographica in urbe Lutetia possedit et gessit, pelliculas praesertim classicas et ab optimis moderatoribus confectas ostentans, sed sine proventu pecuniario. Ab anno 1981 crebriter ostentator televisualis meret. Ipse pelliculam Lettres d'amour en Somalie anno 1982 edidit et anno insequenti in librum mythistoricum accommodavit. Fridericus Mitterrand etiam Tunesiae civis fuit.
Anno 2008 director Academiae Francicae Romae in urbe factus est, iussu praesidis Nicolai Sarkozy, sed a die 23 Iunii 2009 minister culturae, primo ministro Francisco Fillon, quod officium usque ad 10 Maii 2012 retinuit.