Iosephus Haydn
From Wikipedia, the free encyclopedia
Iosephus Haydn, vulgo Joseph Haydn,[1] in vico Rohrau natus die 31 Martii[2] 1732, Vindobonae mortuus 31 Maii 1809, fuit compositor Austriacus,[3] ex fecundissimis praestantissimisque musicis Aetatis Classicae. "Pater symphoniae" et "pater quadricinii fidium" appellatur ob industriam ingeniumque, quod eis generibus musicis contulit. Utilissimus praeterea fuit in evolutione tricinii clavilistici? et formae sonatae.[4][5]
Obitus: 31 Maii 1809; Vindobona
Patria: Sacrum Romanum Imperium
Familia
Coniunx: Anna Haydn
Memoria
Haydn, qui per vitam omnem in Austria habitavit, multum sui cursús musici in curia Domús Esterházyanae in praedio remoto degit. Ab aliis compositoribus et progressu musico usque ad ultimam vitae partem distans Haydn, ut ipse dixit, est "proprius fieri compulsus."[6] Tempore mortis suae fuit unus ex illustrissimis compositoribus Europae.
Iosephus Haydn fuit frater Michaelis Haydn, compositoris etiam latissime laudati, et Ioannis Evangelistae Haydn tenoris. Fuit praeterea amicissimus Wolfgangi Amadei Mozart et doctor Ludovici van Beethoven.