![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/A_Flood_on_Java_1865-1876_Raden_Saleh.jpg/640px-A_Flood_on_Java_1865-1876_Raden_Saleh.jpg&w=640&q=50)
Inundatio
From Wikipedia, the free encyclopedia
Inundatio est immoderatum corporis aquae flumen quod terram operit.[1] Edictum Unionis Europaeae inundationem definit "tegmen ad tempus per aquam terrae non plerumque per aquam tectae."[2]
![Thumb image](http://upload.wikimedia.org/wikipedia/commons/thumb/e/e6/A_Flood_on_Java_1865-1876_Raden_Saleh.jpg/640px-A_Flood_on_Java_1865-1876_Raden_Saleh.jpg)
![Thumb image](http://upload.wikimedia.org/wikipedia/commons/thumb/f/f0/Rapid_Creek_flooding_1.jpg/640px-Rapid_Creek_flooding_1.jpg)
![Thumb image](http://upload.wikimedia.org/wikipedia/commons/thumb/7/78/Trapped_woman_on_a_car_roof_during_flash_flooding_in_Toowoomba_2.jpg/640px-Trapped_woman_on_a_car_roof_during_flash_flooding_in_Toowoomba_2.jpg)
![Thumb image](http://upload.wikimedia.org/wikipedia/commons/thumb/1/15/BDF0.jpg/320px-BDF0.jpg)
Diluvium proprie est inundatio ob pluvias fortes vel longas, quae aquas super terras accumulare efficiunt, sicut in fabula de Noe, et in multis historiae verae exemplis, enarratur.
Adluvio proprie est terra deposita cum aquae ripas fluminis superfluunt. Adluviones nonnumquam competunt cum deluviis, sed in Aegypto prope Nilum, sicut in multis aliis locis, adluviones sine pluvia iterum iterumque in quibusdam anni temporibus accidunt.
Quamquam praecipue homines inundationes solent malas putare, et inter calamitates naturales humanasque numerare, adluviones partem necessariam in agricultura habent, quia terras circum rivos fluminaque renovant.
Ad inundationes vitandas, homines prope flumina aggeres et moles instruunt. Paene omnes inundationes prodigia naturalia sunt, sed cum moles quaedam succumbit, talis calamitas quae sequitur saepe dicitur actus humanus,[3] ob culpabilitatem aedificatorum.