Cultura archaeologica
From Wikipedia, the free encyclopedia
Cultura archaeologica est rediens artefactorum congregatio ex certo tempore et loco, quae constituere possunt reliquias culturae materialis praecipuae societatis humanae praeteritae. Coniunctio horum artefactorum intellegentiam et interpretationem archaeologorum repraesentat, et non semper ad greges hominum praeteritorum pertinet. Notio culturae archaeologicae primas partes in archaeologia culturali et historica agit.
Varii greges culturales res culturae materialis habent quae inter se propter variantes mores culturales et sociales munere et aesthetica differunt. Haec notio latissime observatur. Exempli gratia, instrumenta cum thea concocta consociata magnopere per orbem terrarum variant. (Vide imagines.) Inter mores et alias res sociales qui cum cultura materiali coniunguntur saepe sunt notiones identitatis et status socialis.