![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/be/Flag_of_England.svg/langla-640px-Flag_of_England.svg.png&w=640&q=50)
Crux Sancti Georgii
From Wikipedia, the free encyclopedia
Crux Sancti Georgii est rubra crux decussata in campo albo posita. Olim fuit symbolum Reipublicae Genuensis, et a participibus expeditionum sacrarum adhibebatur, et tum ab Anglia rite ascita est. Sancto Georgio tributa est, sancto-bellatori, qui medio aevo exeunte saepe miles Cruce signatus pingitur.
![Thumb image](http://upload.wikimedia.org/wikipedia/commons/thumb/b/be/Flag_of_England.svg/640px-Flag_of_England.svg.png)
![Thumb image](http://upload.wikimedia.org/wikipedia/commons/thumb/8/8d/Saint_George_Knight_in_Vies_de_Saints_Manuscrit_588_f._113_c1290-1310.jpg/640px-Saint_George_Knight_in_Vies_de_Saints_Manuscrit_588_f._113_c1290-1310.jpg)
![Thumb image](http://upload.wikimedia.org/wikipedia/commons/thumb/0/0f/Flag_of_Georgia.svg/640px-Flag_of_Georgia.svg.png)
Haec crux videtur in multis vexillis, indiciis, normis, et insignibus, sicut illud Foederis Suebici in Sacro Romano Imperio ante Reformationem, et facta est indicium nonnullarum civitatum et urbium quibus est aut erat Sanctus Georgius sanctus patronalis, insigniter Respublica Genuensis, Ducatus Mediolanensis, Regnum Angliae, et Georgia in Caucaso.
Crux etiam invenitur, varias ob causas, in vexillis provincialibus Oscensi, Caesaraugustana, et Terulensi (tribus provinciis Aragoniae in Hispania) atque urbis Barcinonae in Catalaunia. Late adhibetur trans Italiam Septentrionalem, ubi indicium est Bononiae, Patavii, Genuae, Regii Lepidi, Mantuae, Vercellarum, Alexandriae Statiellorum, et insignissime Mediolani, unde saepe appellatur Crux Sancti Ambrosii. In Hibernia Septentrionali, crux in vexillo Virium Voluntariarum Ultoniensium, gregis paramilitaris fidelitatis, apparet.