![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Southern_England_relief_map.png/640px-Southern_England_relief_map.png&w=640&q=50)
Clausentum
From Wikipedia, the free encyclopedia
Clausentum fuit portus et oppidum Romanum in meridionali parte provinciae Britanniae situm iuxta fluminis Itchen ostium. In Itinerario Antonini Clausentum est statio itineris a Regnis Londinium, ab urbe Regnorum milia passuum 20 distans et a Venta Belgarum m.p. 10.
Ruinae oppidi Romani, Clausenti ut videtur, haud longe ab urbe hodierna Hantonia exstant in loco nomine Bitterne, a fluviis cincta, ubi stat villa rustica Bitterne Manor. Inscriptiones, miliaria, dedicatio deae Ancastae, nummi nonnulli ibi reperti sunt.
![Thumb image](http://upload.wikimedia.org/wikipedia/commons/thumb/8/81/River_Itchen%2C_Bitterne_Manor_-_geograph.org.uk_-_26956.jpg/320px-River_Itchen%2C_Bitterne_Manor_-_geograph.org.uk_-_26956.jpg)