![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2d/Dionysos_kantharos_BM_B589.jpg/640px-Dionysos_kantharos_BM_B589.jpg&w=640&q=50)
Cena Baccho a Falerno oblata
From Wikipedia, the free encyclopedia
Cena Baccho a Falerno oblata est quo tempore Bacchus vel Liber Pater in Campaniam iter fecit. Hospes Falernus cenam generosam praebuit; deus invicem vinum eo dono dedit. Hoc fuit origo cultús vitis in Italia confectionisque vini Falerni. Cena a Silio Italico descripta est in carmine epico cuius titulus est Punica (7.166-211). Poëta varias res sumpsit ex operibus Callimachi et Eratosthenis, qui in carmine deperdito Erigone talem cenam ab Icario oblatam descripserat; multas insuper e descriptione cenae a Baucide et Philemone oblata in Ovidii Metamorphosibus.
![Thumb image](http://upload.wikimedia.org/wikipedia/commons/thumb/2/2d/Dionysos_kantharos_BM_B589.jpg/640px-Dionysos_kantharos_BM_B589.jpg)