![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Amina_Mohamed.jpg/640px-Amina_Mohamed.jpg&w=640&q=50)
Amina Mohamed
legata, politica / From Wikipedia, the free encyclopedia
Amina Chawahir Mohamed Jibril (Kakamega in oppido nata die 5 Octobris 1961) est iuris consulta et politica Keniae.
E populo Somali orta, in oppido nativo educata, alumna universitatum Kioviensis et Oxoniensis, consiliaria rerum iuridicarum meruit ab anno 1985 iuxta ministeria Keniana regiminis provincialis et rerum externarum, deinde ab anno 1990 consiliaria et legata tam Genavae quam Novi Eboraci apud legationes Kenianas Nationibus Unitis aliisque ordinibus internationalibus. Ab anno 2008, in patriam redita, secretaria principalis fuit apud ministerium iustitiae. Die 20 Maii 2013 secretaria consilii (i.e. ministra) a rebus externis facta est, praeside Uhuru Kenyatta; quo officio quinque annos impleto, die 14 Ianuarii 2018 ministerium eruditionis suscepit.