Финн-угор тилдери, угор-финн тилдери - Урал тил уясына кирген тилдердин тобу.
Түндүк-Чыгыш Европага, Волга-Каманын көп жерине, Обь, Дунай алаптарына тараган. Финн-угор тилдери бир нече топко бөлүнөт:
- балтика бою-финн (финн, эстон, карел, вепс, ижора, лив, водь тилдери);
- саам (саам же лопар тилдери);
- волга-финн (мордва, марий тилдери);
- пермь (удмурт, коми, коми-пермяк тилдери);
- угор (венгр, манси, ханты тилдери).
Венгр, финн жана эстон тилдери - мурдатан колдонулуп келаткан жазмасы бар (латын алфавиттин негизинде), өөрчүгөн адабий тилдер. Калгандары адабий тил катары Октябрь революциясынан кийин калыптанган.
Азыркы финн-угор тилдеринин жак, жөндөмө жана сөз жасоочу айрым аффикстери бирдей, ошондой эле миңге жакын жалпы уңгусу бар.
Финн-угор тилдеринде агглютинативтик өзгөчөлүктөр бар.
Бирок башка тилдерден кабыл алынган сөздөрдүн составы финн-угор тилдеринин ар биринде ар башка.
- Колдонулган адабият Тил энциклопедиясы / Түз.А. А. Джапанов: Оңд., толукт., кайрадан 2-бас. - Б.: Турар, 2010. -548 б. ISBN 978-9967-44-24-9
- «Кыргызстан». Улуттук энциклопедия: 7-том / Башкы ред. Ү. А. Асанов. К 97. Б.: «Кыргыз энциклопедиясы» башкы редакциясы, 2015. - 832 б., илл. ISBN 978-9967-14-125-4
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
